فارس الظلام
عدد الرسائل : 191
العمر : 31
تاريخ التسجيل : 19/02/2008
 |  موضوع: نكت مغربية /100100/100  الأحد أبريل 13, 2008 1:38 pm | |
| هاذا واحد الرجل عندوا جوج ولاد وبنت،
واحد سميتو"ماشي شغلك" واحد سميتو"أدب" والبنت سميتها"تصرفيقة"
الاب حلف فيهم قالهم للي سقط في المدرسة غادي نضربو.
سقط "أدب" و "تصرفيقة" ونجح "ماشي شغلك"
هربات "تصرفيقة"حيت خافت من أباها
"أدب" تعلق
ناض "ماشي شغلك"يقلب على اختو"تصرفيقة"
كان غادي فالطريق بسرعة،قبطو سي البوليسي،قالو :
راك حرقتي ضوء ،شنو سميتك؟قالو ماشي شغلك
البوليسي:شنو سميتك؟
الابن: ماشي شغلك
البوليسي:ايوا انت خاصك الادب
ماشي شغلك:راني نيت خليتو فالدار
البوليسي:ايوا هي خاصك شي تصرفيقة؟
ماشي شغلك: عليها كنقلب
البولسي:هاك
واحد الاستاذ قال للتلاميذ ديالو شكون يقدر يدير ليا شي تجربة والتيجة ديالها نعطيه اعلى معدل؟
واحد التلميذ كسول رفع صبعو و كال ليه انا نديرها, وهو يقول ليه الاستاذ شنو تحتاج للتجربة كال ليه قطة وجابها ليه, ناض التلميذ وقطع للقطة الرجل الاولى وعيط ليها بسميّتها,جات عندو,قطع ليها الرجل التانية وعيط ليها بسميّتها,جات عندو,قطع التالتة وعيط ليها بقات بشوية بشوية حتى جات عندو,ناض قطع ليها الرجل الاخيرة وعيط ليها مجاتش.
وهو يكول التلميذ :" نستنتج اننا عندما نقوم باستئصال الارجل الاربعة لقطة فهي لا تسمع"
هي ملقات مسكينة باش تجي متحركاتش؟
هادا واحد كان كيقرا كتاب فليل و جات بنتو و ضفات الضو !!!!
عرفتو باش ضربها ؟ بنعسة
كال ليك هادو واحد جوج باغين يهربو من الحبس واحد جا عند لاخر كال ليه في الليل غادي نخرجو من البيت ونقزو السور لاول ونهرسو الباب التاني أو في الباب ديال الحبس غادي نلقاو العساس نضربوه أو نهربو
إيوا جا الليل نقزو السور لاول أو هرسو الباب ملي وصلو لباب الحبس لقاو الباب محلول والعسساس ما كاينش هو واحد كال لصاحبو يلا نرجعو الخطة فشلات ما كاينش العساس
قال ليك هذا واحد المغربي مشا عند واحد صاحبو في المريكان
وداه لواحد البلاصا كايصنعو فيها الطوموبيلات و قال ليه حنا عندنا هنا حل عينك وسدها تلقا طوموبيل جديدة تصنعات و بقا المغربي كايتعجب ناض داك المريكاني جاء للمغرب وهو يديه للحمام ودخلو وبقاو جالسين شوية وهو يسولو هنا اش كاديرو فيه قال ليه المغربي كانصنعو بنادم شويق وهو يخرج واحد كحل قال ليه وهادا مالو قال ليه حرقاتو الماكينة و ملي خرج واحد قصير قال ليه و هادا قالو هادا الشياطة ديال العجينة
هادو شي ثلاثة صحاب كذابة تجمعو فواحد لقهوة و بداو ...
اللول قاليهم : و ناري على عرس حضرت فيه لبارح و عطاونا 10 طباسل ديال لحلوة لواحد، و كل طبسيل فيه 20 نوع.
الثاني قاليه : و راه كي والو .. ما تهلاوش فيكم .. لعرس هو اللي حضرت ليه لبارح .. عرس معتبر .. عطاونا لحمام فوسط الدجاج، و الدجاج وسط بيبي، و بيبي وسط لحاولي، و لحاولي و سط العجل، و لعجل وسط الجمل.
الثالث فيهم نطق و قاليهم : غي كاتخربقو .. تفلاو عليكم .. كنت شفتو لعرس ديال بصح اللي كنت فيه لبارح .. و غير لبسطيلة اللي كليلاناها و كانت طيارة الدردر عليها السكر و طيارة الدردر عليها القرفة
هدا الإحصاء بدا في البلاد مني وصلوا عند واحد العائلة سولوا مول الدار قالوا ليه شحال انتما في الدار قا ليهم 10 الناس
قالوا ليه شحال من واحد خدام قال ليهم 3 قالوا ليه شكونهما قال ليهم أنا والتلفزة والثلاجة
هذا وحد مشا يتكا باش يتسنت لعضامو لقاهم كي هذرو فيه
تحياتي | |
|
